|
Տարեցների
խնամքի Եվ հոգեկան առողջության կենտրոն է
կոչվում Երևանի Է.Հասրաթյան 9/1 հասցեում («Միքայելյան վիրաբուժության ինստիտուտի» տարածքում) տեղակայված
հաստատությունը, որն առաջինն ու միակն է ոչ միայն
Հայաստանում, այլև տարածաշրջանում: Այն իր խնամարկյալներին
ընդունում է 2013թ. սեպտեմբերից և իրագործում իր
խնամակալությունը նրանց նկատմամբ: Տարեցների խնամքի
կենտրոնն ընտանեկան ջերմ ու հոգատար միջավայր է ապահովում
բոլոր նրանց համար, ովքեր ունեն դրա կարիքը:
Մենք պատշաճ որակով մատուցում ենք խնամք, իսկ
անհրաժեշտության դեպքում` նաև բժշկական ծառայություններ:
Կենտրոնն ապահովված է բարձրակարգ բուժանձնակազմով և
հագեցած բուժսարքավորումներով, լաբորատորիայով,
սանիտարահիգիենիկ նորմերի պահպանմամբ պատրաստված
հիվանդասենյակներով և բանիմաց ու հմուտ խոհարարների թիմով:
Կենտրոնը խնամարկյալի հոգսն ամբողջովին վերցնում է իր վրա,
յուրաքանչյուրի նկատմամբ ցուցաբերում անհատական մոտեցում և
պատասխանատվություն: Ձեր հարազատը ընդունվելով մեր
կենտրոն` ենթարկվում է հանձնաժողովային բժշկական
դիտարկման, որի արդյունքում գտնում է իր բժշկին,
խնամակալին, իր մասին ամբողջությամբ հոգ տանողին: Կենտրոնը
մտածել է նաև հայրենիքից հեռու գտնվող հայրենադարձների
մասին, որոնց համար թանկ ու կարոտալի է հայրենիքի օդը,
ջուրը, հայեցի միջավայրը, ինչու չէ, նաև համադամ
խորտիկներով հայկական խոհանոցը: |
|
Կենտրոնը մատուցում է
հետԵՎյալ հաստատագրված ծառայությունները. |
|
1) երկարաժամկետ
կամ կարճաժամկետ խնամք.
Խնամարկյալին խնամքի տակ
առնելը հաստատվում է վերջինիս կամ նրա օրինական
ներկայացուցչի և կենտրոնի միջև ստորագրված պայմանագրով,
ընդունելության օրը խնամարկյալն անցնում է բժշկական
զննություն: Նրա համար լրացվում է բժշկական քարտ,
տրամադրվում է կահավորված հիվանդասենյակ, անկողնային
պարագաներ, անձնական հիգիենայի պարագաներ, սնունդ (օրական
առնվազն 3 անգամ), ընդ որում հատուկ սննդակարգի կարիք
ունեցող հաճախորդների համար կազմակերպվում է դիետիկ սնունդ,
որը նշանակվում է հաստատության բժիշկների կողմից:
2) Բժշկական
ծառայություններ.
թերապևտիկ,
սրտաբանական, նյարդաբանական, վնասվածքաբանական և
հոգեբուժական:
3) Ազատ ժամանցի
կազմակերպում`
կիրառվում են ժամանցի կազմակերպման
ավանդական և ժամանակակից միջոցները: |
Ի լրում վերը նշվածի` ավելացնենք,
որ կենտրոնը մատուցում է նաև կինեզիոլոգիական ծառայություն,
որն իրենից ներկայացնում է հատուկ վարժությունների (այդ
թվում մերսողական միջոցառումների) համալիր համակարգ
յուրաքանչյուրին ըստ հիվանդության (ախտանիշի), ըստ
նշանակման։ Կինեզիոլոգիայի դերն անփոխարինելի է հատկապես
հենաշարժողական ապարատի խնդիրներ ունեցողների համար: |
|
ՏԱՐԵՑՆԵՐԻ ԽՆԱՄՔ ՏՐԱՄԱԴՐՈՂ
ՀԱՍՏԱՏՈՒԹՅՈՒՆ ԸՆԴՈՒՆՎԵԼՈՒ ՀԱՄԱՐ
ԱՆՀՐԱԺԵՇՏ ՓԱՍՏԱԹՂԹԵՐԻ
ՑԱՆԿ |
|
Խնամք ստանալու համար հաճախորդը
(իսկ այն դեպքում, երբ Պայմանագիրը կնքվում է անձի
օրինական ներկայացուցչի կողմից, ապա նրա մատնանշած անձը)
դիմում է հաստատություն` ներկայացնելով հետևյալ
փաստաթղթերը`
ա) դիմում, որում նշվում է, որ անհրաժեշտ է խնամք (անհրաժեշտության
դեպքում բուժում).
բ) սոցիալական քարտը և դրա պատճենը.
գ) անձը հաստատող փաստատուղթ և դրա պատճենը.
դ) տեղեկանք հաճախորդի բնակության վայրի պոլիկլինիկայից`
նրա առողջական վիճակի մասին, կամ էպիկրիզ կամ քաղվածք
մեծահասակի ամբուլատոր բժշկական քարտից.
ե) դիմումը հաճախորդի խնամակալի կողմից ներկայացվելու
դեպքում ներկայացվում է նաև խնամակալի անձը հաստատող
փաստաթուղթը և դրա պատճենը, ինչպես նաև քաղաքացուն
անգործունակ ճանաչելու մասին դատարանի որոշման պատճենը և
նրա նկատմամբ խնամակալություն սահմանելու մասին
խնամակալության և հոգեբարձության մարմնի որոշման պատճենը,
իսկ պատրոնի կողմից ներկայացվելու դեպքում` պատրոնի
անձնագիրը, պատրոնաժ սահմանելու մասին խնամակալության և
հոգեբարձության մարմնի որոշման պատճենը:
|
|
Հարգելի հայրենակից, մեր կենտրոնը կանի հնարավորինս, որ
դուք, ի դեմս մեր կենտրոնի, գտնեք ձեզ համար տաքուկ մի
օջախ` լի մեր անձնակազմի հոգատար ու ջերմ վերաբերմունքով:
|
|
|
|
|
ՀՀ, 0052, Երևան,
Է.Հասրաթյան փող., 9/1
Հեռ.`
(+37410) 208600, (+37410)
206800 |
khnamk@yandex.ru |
|
|
|
|
|